Police don gbab man wey enter person house steal properties, come thief him security dog join 1
Pidgin English

Police don gbab man wey enter person house steal properties, come thief him security dog join

The matter wey we dey settle for area since yesterday be say, Police for Lagos State don gbab one man wey enter person compound for Magodo wey dey for Lagos go thief.

The DAILY VENDOR hear say the man enter the compound, come thief two television sets with two decoders, thief laptop and other properties like that.

As if that one never do, the man come go thief the security dog wey dey guard the house.

The security dog come waka like mumu follow the thief dey go, as if na two of them plan the thieving.

People come dey talk say, security dog wey supposed fight and scatter thief wey enter the house, na im come turn around to follow the thief as if them be friends for the business of thievery.

Nothing Musa no go see for gate.

Kindly Leave a Comment